5 destinacionet më të mira të Evropës për të festuar Halloween

Mes dhjetëra qyteteve evropiane që janë perfekte për të kaluar Halloween-in, SchengenVisaInfo.com ka renditur vetëm disa prej tyre, të cilat kanë qenë më të vlerësuarat nga vizitorët. Më poshtë mund të gjeni disa nga vendet më të mira për të kaluar Halloween në Evropë.

Derry, Irlanda e Veriut

I njohur si kryeqyteti i Halloween në botë, Derry ofron një përvojë unike. Historia e gjatë e Derry-t, si dhe muret e tij të famshme, e kanë bërë qytetin destinacionin më të popullarizuar për Halloween.

Nga 28 tetori deri më 31 tetor, qyteti i rrethuar me mure do të gjallërohet me ‘shpirtrat e lashtë’.  Pas tre vitesh të gjata, Parada e famshme e Karnavaleve do të kthehet më në fund në Derry Halloween.

Festimet do të kulmojnë me spektaklin e fishekzjarrëve, i cili do të jetë i përshtatshëm për të gjitha moshat. Këshillë profesionale: të gjithë sytë nga lumi Foyle për një përvojë të paharrueshme.

Transilvani, Rumani

Rajoni rumun i Transilvanisë, i cili lidhet me Drakulën e Bram Stoker, është një nga destinacionet që duhet të vizitojnë të gjithë ata që duan të festojnë Halloween.

Transilvania ofron një nga përvojat më autentike, ku njerëzit, në vend që të dekorojnë kunguj dhe kanë mundësinë të zbulojnë një të kaluar të errët, të dëgjojnë legjenda të ndryshme dhe të festojnë në një mjedis magjik.

Një nga festat më të mira të Halloween-it zhvillohet në Kështjellën e Drakulës, e njohur zyrtarisht si Kështjella Bran.

Pragë, Republika Çeke

E njohur për stilin e tij gotik dhe arkitekturën e jashtëzakonshme, kryeqyteti i Republikës Çeke është një vend i mrekullueshëm për të kaluar Halloween-in tuaj.

Sa i përket atraksioneve, Varrezat e Vjetër Hebraike, Ura e Karlit dhe Muzeu i Torturës do të vazhdojnë të mbeten disa nga më të mirat për t’u vizituar edhe këtë vit gjatë Halloween.

Amsterdam, Holandë

Ngjashëm me qytetet e mësipërme, Amsterdami mbetet një destinacion shumë popullor për festimin e Halloween. Si çdo vit tjetër, edhe këtë vit, më 31 tetor, të gjitha rrugët e qytetit do të mbushen me njerëz të veshur me kostume, gati për një aventurë.

Ndërsa qytetet e mësipërme ofrojnë më shumë përvoja të orientuara nga publiku, Amsterdami është më i njohur për festat e tij si dhe turneun.

Ata që janë të interesuar të mësojnë për shtrigat dhe përbindëshat e Amsterdamit mund të zgjedhin të bëjnë një turne me fantazma. Gjatë turneut, një tregimtar profesionist ju shoqëron dhe sigurohet për të dhënë një përvojë autentike.

Kopenhagë, Danimarkë

Edhe pse Danimarka nuk ka një traditë të gjatë të Halloween-it, qyteti vazhdon të mbetet një nga më të njohurit për t’u vizituar në tetor.

Nga të gjitha vendet dhe ngjarjet që Kopenhaga ka për të ofruar për Halloween, Tivoli Gardens është ai që nuk duhet humbur.

Çdo vit, Tivoli bëhet vendi më magjepsës për Halloween, me kopshte të magjepsura, udhëtime speciale dhe shumë aktivitete të tjera.

Një nga gjërat magjepsëse që ndodh në Tivoli është shndërrimi i 20,000 kungujve në fenerë. Përveç kësaj, Tivoli gjithashtu shndërrohet në një treg të hapur.

LEXONI GJITHASHTU:

• Çmimet e reja të karburanteve në Kosovë
• Taksa mbi naftën, Meta: Absurde, qeveria ka mbledhur miliona euro nga qytetarët
• Ukraina thirrje Iranit: Mjaft dërguat armë në Rusi