6 raste të reja me COVID-19 në vendin tonë, numri i të prekurve shkon mbi 1 mijë

Gjatë 24 orëve të fundit tonë janë identifikuar 6 raste të reja me COVID-19, 4 në bashkinë Tiranë dhe 2 në bashkinë Shkodër.

Në komunikimin e përditshëm me publikun, dr. Eugena Tominin nga Instituti i Shëndetit Publik bëri me dije se numri i rasteve të konfirmuara pozitivë në të gjithë vendin sot ka kaluar mbi 1 mijë.

“Situata në spitalin infektiv paraqitet e qëndrueshme. Aktualisht po trajtohen 16 pacientë, ndërsa 4 prej tyre janë në terapi intensive. Numri i rasteve të konfirmuara pozitivë në të gjithë vendin sot ka kaluar mbi 1 mijë. Gjatë 24 orëve të fundit janë konfirmuar 6 raste pozitivë. 4 raste janë në Tiranë dhe 2 në Shkodër, kryesisht kontakte të rasteve të mëparshme pozitive, por edhe raste në proces hetimi epidemiologjik.

Po aq sa numri i të prekurve është edhe numri i të shëruarve gjatë 24 orëve të fundit. 6 raste janë të shëruar në 24 orët e fundit. Nga fillimi i epidemisë janë kryer mbi 14.500 testime molekulare dhe serologjike.

Në vendin tonë aktualisht janë 177 persona aktivë me COVID19, kryesisht ne Tiranë, Durrës dhe Krujë. Nga fillimi i epidemisë rreth 79% e të prekurve tashmë janë të shëruar. Fatkeqësisht 32 qytetarë nuk e kanë fituar betejën me COVID-19, pavarësisht përpjekjeve të stafit mjekësor”, tha Dr. Tomini.

COVID-19 – Statistika (25 Maj 2020)

Testime totale 14659

Testime molekulare 13333

Testime serologjike 1326

Raste pozitive 1004

Raste të shëruara 795

Raste Aktive 177

Humbje jete 32 (Qarku Tiranë 19, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 59

Durrës 53

Krujë 27

Shkodër 12

Berat 10

Kamëz 9

Fier 4

Elbasan 1

Mirditë 1

Korçë 1