60 milionë euro për vaksina anti-COVID dhe pajisje mjekësore në Kosovë

Qeveria e Kosovës në mbledhjen e sotme ka miratuar nismën për negocimin e marrëveshjes kornizë së kredisë ndërmjet Kosovës dhe Bankës Zhvillimore të Këshillit të Evropës për financimin e projektit “Reagim Emergjent ndaj COVID-19”.

Përmes kësaj nisme do të sigurohen 25 milionë euro për blerje të vaksinave dhe pajisjeve të tjera për menaxhimin e masës anti-COVID, krahas 35 milionë të tjerave që tashmë janë të ratifikuara në Kuvendin e Kosovës.

Ministri i Financave, Punës dhe Transfereve, Hekuran Murati, tha se nga këto 60 milionë euro, tashmë 35 milionë janë të negociuara dhe shtesë janë edhe 25 milionë të tjera.

Ai tha me tëj se se kushtet e financimit nga kjo bankë janë më të favorshmet dhe norma e interesit mbetet e subvencionuar nga Banka Zhvillimore e KE-së.