7 të vdekur dhe 206 raste të reja me COVID

Shtatë persona kanë humbur jetën nga COVID-19 gjatë 24 orëve të fundit në Shqipëri, ndërsa janë konfirmuar 206 raste të reja me virusin.

Rastet pozitive me COVID kanë dalë nga 1,610 testime që janë kryer, nga ku janë shënuar edhe 604 të shëruar. Që prej fillimit të pandemisë në vend janë konfirmuar 262,402 raste shërimi nga ky virus.

Aktualisht në Shqipëri janë 4,523 qytetarë të infektuar me COVID-19 dhe 79 persona po trajtohen nëpër spitale.

Ministria e Shëndetësisë i bën apel qytetarëve të vaksinohen sa më parë, si edhe të zbatojnë masat kundër COVID.

Qytetarët mbi 16 vjeç, mund të vaksinohet në qendrën shëndetësore ose në pikën më të afërt të vaksinimit. Vaksinimi është i hapur edhe për fëmijët mbi 12 vjeç me probleme të sistemit imunitar, me rekomandim nga mjeku.

Statistika (20 Shkurt 2022):

Raste të reja ditore          206

Të shëruar në 24 orë       604

Të shtruar në spitale       79

Humbje jete në 24 orë    7

Testime ditore                 1,610

Shpërndarja gjeografike e rasteve aktive sipas qarqeve:

Tiranë             1,330

Fier                   756

Vlorë                428

Elbasan           473

Berat                352

Lezhë               324

Durrës              199

Gjirokastër      169

Shkodër           158

Kukës               163

Korçë               150

Dibër                 21