Shtatë persona kanë humbur jetën nga COVID-19 në vend gjatë 24 orëve të fundit, ndërsa janë konfirmuar 789 raste të reja me virusin.
Rastet pozitive kanë dalë nga 3667 testime që janë kryer, nga ku janë konfirmuar edhe 1824 të shëruar. Që prej fillimit të pandemisë në vend janë regjistruar 222,508 raste shërimi nga COVID.
Ditën e sotme vihet re një ulje e ndjeshme e rasteve të reja (1,658 dje), por edhe thuajse një përgjysmim i numrit të testimeve (5,367 dje).
Në Shqipëri janë aktualisht 24,081 të infektuar me COVID.
129 të infektuar janë të shtruar në spital, 13 prej të cilëve ndodhen në gjendje më të rënduar shëndetësore.
Ministria e Shëndetësisë i bën apel qytetarëve të vaksinohen sa më parë, si edhe të respektojnë masat kundër COVID.
Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit. Kjo vlen edhe për fëmijët +12 vjeç me probleme të sistemit imunitar, me rekomandim nga mjeku.
Statistika për datën 24 janar 2022 nga Ministria e Shëndetësisë
Raste të reja ditore 789
Të shëruar në 24 orë 1824
Të shtruar në spitale 129
Humbje jete në 24 orë 7
Testime ditore 3667
Shpërndarja gjeografike e rasteve aktive sipas qarqeve:
Tiranë 10505
Fier 1855
Shkodër 1714
Elbasan 1638
Durrës 1456
Vlorë 1411
Gjirokastër 1179
Berat 946
Korçë 941
Lezhë 868
Kukës 285
Dibër 241