7 viktima dhe rreth 26 të plagosur nga tërmeti në Kroaci

Një vajzë 12-vjeçare dhe 6 burra kanë humbur jetën dhe rreth 26 persona kanë mbetur të plagosur si pasojë e si pasojë e tërmetit me magnitudë 6.4 ballë që goditi Kroacinë të martën në mesditë.

Epiqendra e tërmetit është regjistruar 46 kilometra në juglindje të Zagrebit, përkatësisht në qytetin Petrinja. Lëkundjet e fuqishme kanë shkaktuar një nivel të konsiderueshëm të dëmeve materiale në Petrinja, duke e shndërruar qytetin e prekur në një zonë të kuqe.

Sipas autoriteteve kroate, e gjithë qendra e Petrinjës është goditur rëndë dhe ndërtesat e shkatërruara janë gati të pabanueshme.

Shtëpitë e gati 20.000 banorëve janë rrënuar, çatitë janë shembur ashtu sikurse edhe fasadat e ndërtesave.

Qeveria ka mobilizuar ushtrinë dhe pikat e emergjencës për të nxjerrë viktimat dhe të plagosurit nga rrënojat. Gjithashtu janë vënë në dispozicion rreth 500 vende në kazermat e ushtrisë, si dhe persona të tjerë të cilët kanë ngelur pa shtëpi do të strehohen në hotele dhe vende të tjera pranë zonës.

Gjatë momentit kur janë ndjerë lëkundjet e fuqishme, të gjithë banorët kanë dalë në rrugët e qytetit të frikësuar. Pasgoditje me magnitudë rreth 5 ballë janë regjistruar gjatë orëve në vijim.

Lexoni gjithashtu:

7 viktima nga tërmeti, Hoti i ofron ndihmë me të gjitha kapacitetet Kroacisë