71-vjeçarja që sfidon moshën, prej 23 vitesh ngjitet çdo ditë në mal

Lida Bala, e njohur në Korçë si “Lumja e Malit” prej 23 vitesh ngjitet çdo ditë në malin e Moravës. Për 71-vjeçaren ngjitja në mal është ilaçi i jetës.

“Më duket vetja sikur fluturoj, sepse mali mua me relakson, me qetëson nga të gjitha hallet. Sikur hy në një botë tjetër. Nuk jam më në botën e realitetit, hy një botë tjetër. Është kënaqësi për mua, kjo është jetë,” – u shpreh Bala.

Stina e dimrit edhe pse më sfiduese, për “Lumen e Malit” është kënaqësi më vete. Ajo thotë se qëndrimi në shtëpi e sëmur.

“Le të bjerë dëborë, shi, ngricë, acar le të jetë si të dojë, unë do dal me patjetër. Unë edhe dje që binte shi vura mushamanë në kurriz e u ngjita. E kam këtë, unë po nuk dola pëlcas. Por dimri është më i kënaqshëm. Kënaqesh aq shumë sa nuk e ke idenë,” – tha ajo.

Lida Bala ka dhe një këshillë për të rinjtë që kanë lënë pasdore aktivitetet dhe pjesën më të madhe të kohës e kalojnë në telefon.

Më shumë se 7 dekada mbi supe, ajo nuk harron që çdo ditë të kryejë ushtrime fizike. Prej disa vitesh Lida jeton vetëm, por ajo që kujdeset më shpesh për të është e bija, e cila shpesh herë edhe merakoset.

LEXONI GJITHASHTU:

• Mbi 30% e llojeve të pemëve në botë rrezikojnë zhdukjen
• Lista e grave më të pasura në SHBA – që ia kanë dalë vetë
• Një listë vendesh që jua bëjnë më të bukur udhëtimin me 4-putroshët tuaj