Gjatë 2 ditëve të fundit janë ekstraduar nga Anglia dhe Franca 72 shqiptarë, të cilët janë transportuar më avionë drejt aeroportit të Rinasit.
24 shqiptarë janë ekstraduar nga Anglia, nga të cilët 21 kanë përfunduar vuajtjen e dënimit në territorin britanik.
Ndërsa 3 shtetas të tjerë janë ekstraduar, për qëndrim të parregullt në Angli, të cilët janë lënë të lirë nga autoritetet shqiptare.
Në charter-in e dytë që mbërriti nga Franca, ndodheshin 48 shqiptarë, të cilët ishin me qëndrim të parregullt në territorin francez.
Disa prej tyre u kapën në tentativë për të shkuar në Angli dhe të tjerët janë shtetas që e kanë përfunduar vuajtjen e dënimit. Operacionet e riatdhesimit do të vijojnë edhe në javët e ardhshme.