76 vjet nga bombardimet bërthamore në Hiroshima dhe Nagasaki

Kryeministri japonez Yoshihide Suga mori pjesë në ceremoninë përkujtimore të 76-vjetorit të bombardimeve bërthamore në Hiroshima dhe Nagasaki.

Të mbijetuarit dhe të afërmit e tyre qenë gjithashtu të pranishëm dhe në shenjë respekti ndaj viktimave mbajtën një minutë heshtje.

6 gusht 1945

Shtetet e Bashkuara lëshuan bombën e parë atomike të përdorur kundër popullsisë civile në orën 8:15 të mëngjesit në qytetin Hiroshima.

Bomba me nofkën “Djali i Vogël” asgjësoi qytetin dhe vrau 80 mijë civilë në vend, ose rreth 30 për qind e popullsisë asokohe.

Deri në fund të vitit 1945, përllogariten rreth 140 mijë viktima nga bomba, ndërsa mijëra të tjera vuajnë ende pasojat e ekspozimit të lartë ndaj radioaktivitetit.

Tri ditë më pas, më 9 gusht, Shtetet e Bashkuara lëshuan bombën e dytë në Nagasaki. “Burri i Shëndoshë” vrau 74 mijë persona dhe shkatërroi rreth 40 për qind të qytetit.

Pas gjashtë ditësh, Japonia kapitulloi, duke i dhënë kështu fund Luftës së Dytë Botërore.

Apeli për asgjësimin e armëve bërthamore

Gjatë ceremonisë përkujtimore, kryeministri Suga tha se qeveria e tij do vazhdojë të qëndrojë në krah të mbijetuarve, ndërsa kryetari i bashkisë së Hiroshimës i bëri thirrje të gjithë kombeve që të bashkëpunojnë “për asgjësimin e armëve bërthamore”.

Sekretari i Përgjithshëm i OKB, Antonio Guterres, premtoi se Kombet e Bashkuara do të vijojnë të mbeten të angazhuara drejt qëllimit për të pasur një botë pa armë bërthamore, duke thënë se “një tragjedi e tillë nuk duhet të ndodhë më kurrë”.

76 years ago, a nuclear weapon brought unimaginable suffering, death and devastation to the people of Hiroshima.

Such tragedy must never happen again.

The @UN – and I personally – continue to be fully committed to the goal of a nuclear-weapon-free world. pic.twitter.com/AjFzu8pnuv

— António Guterres (@antonioguterres) August 6, 2021

LEXONI GJITHASHTU:

• OKB: Po shtohet prodhimi i armatimeve, rrezik nga armët bërthamore
• Nagasaki kërkon përjashtimin e armëve bërthamore në 75-vjetorin e bombardimit nga SHBA