8 vdekje nga COVID-19 në Kosovë

Tetë persona kanë vdekur dhe janë regjistruar 754 raste të reja me coronavirus, bëri të ditur Ministria e Shëndetësisë së Kosovës.

Sipas njoftimit të së hënës, rastet e reja dolën pas testimit të 3,879 mostrave. Nga kjo shifër del se 19.43 për qind e të testuarve kanë rezultuar pozitivë me COVID-19.

Në raportin, që i referohet të dhënave të 24 orëve paraprake, Ministria njoftoi se janë shëruar edhe 3,900 pacientë.

Raste aktive me coronavirus janë 23,823.

Ndërkaq, sa i përket vaksinimit, autoritetet shëndetësore kanë administruar 146 doza të vaksinës kundër coronavirusit.

Deri më tani, 808,792 persona janë imunizuar me dy doza të vaksinës, ndërkaq, në total janë administruar mbi 1.7 miliona doza.

LEXONI GJITHASHTU: 

• 6 të vdekur dhe mbi 1 mijë të infektuar me COVID në Kosovë