80-vjetori i John Lennon, ndriçohet ndërtesa e Empire State në nder të legjendës së Beatles

Imagjinoni nëse fansi i apasionuar pas John Lennon nuk do të kishte qëlluar në shenjë dhe t’i merrte jetën 4 dekada më parë…

Në një ditë si kjo e sotmja, legjenda e Beatles do të kishte mbushur 80 vjeç dhe qyteti i Nju Jorkut ka nderuar kujtimin e tij, duke ndriçuar ndërtesën e Empire State.

“Për ne, është shumë e rëndësishme ta mbajmë gjallë mesazhin e tij, sepse paqja, dashuria dhe e vërteta, sidomos këtë vit dhe vitet e fundit, janë mesazhe shumë të rëndësishme. Mendoj se është e nevojshme t’i mbajmë gjallë idetë e tij. E ndjemë se ishte diçka e rëndësishme ta bënim”, wshtw shprehur djali i tij, Sean Lennon.

Ai ishte më rebeli i katërshes nga Liverpuli, idealist dhe karizmatik. Si artist, Lennon kurrë nuk reshti së eksperimentuari, kompozuari dhe kënduari, duke krijuar tekste që sot janë pjesë e historisë së rock-ut.

Një album remix, një koncert dhe një shfaqje në radio, e organizuar nga djali i tij, shënojnë datën për të përkujtuar muzikantin.

“Gimme some truth. The ultimate mixes“, me 36 këngë të përzgjedhura nga Yoko Ono dhe Sean Ono Lennon është publikuar këtë të premte.