9 të vdekur nga COVID-19 në Shqipëri

Gjatë 24 orëve të fundit në vend janë identifikuar 217 raste të reja me COVID-19, ndërsa 9 persona e kanë humbur betejën me virusin. Rastet e reja kanë dalë nga 2522 testime që janë kryer.

Numri ditor i të infektuarve ka pësuar rënie në raport me muajin e kaluar, ndërsa numri i vdekjeve në ditë është rritur.

202 persona janë shëruar nga COVID gjatë 24 orëve të fundit, që e çon numrin total të të shëruarve që prej fillimit të pandemisë në 169.085.

Në Shqipëri aktualisht janë 6274 qytetarë të infektuar me COVID. 153 pacientë po marrin trajtim në spital, 24 prej të cilëve janë në gjendje më të rënduar shëndetësore.

Ministria e Shëndetësisë u bën apel qytetarëve të vaksinohen sa më parë, ndërsa gjatë këtij muaji qytetarët mbi 18 vjeç mund të marrin vaksinën anti-COVID nëpër qendrat e vaksinimit në vend.

Statistika (18 Tetor 2021)

Raste të reja ditore    217

Të shëruar në 24 orë   202

Të shtruar në spitale   153

Humbje jete në 24 orë   9

Testime ditore  2522

Shpërndarja gjeografike e rasteve aktive sipas qarqeve:

Tiranë   3078

Durrës   710

Fier   698

Shkodër  486

Elbasan   231

Berat  194

Gjirokastër  191

Lezhë  188

Kukës  159

Korçë   143

Vlorë   114

Dibër    82