9 zyrtarë dhe ish-zyrtarë të burgjeve mbahen në qeli

Gjykata e Elbasanit ka vendosur që të mbahen në burg 7 zyrtarë dhe 2 ish-zyrtarë të burgjeve, të cilët akuzohet për shpërdorim detyre.

Në total janë dhënë 28 masa sigurie për punonjësit, ish-punonjësit e burgjeve Elbasan-Peqin-Drenovë si dhe për disa të dënuar. Mes të arrestuarve është Shef Paraburgimi në Paraburgimin e Elbasanit, Hysni Ndreu.

Gjykata vendosi të njëjtën masë edhe për të dënuarin me burg përjetë Arben Grori si dhe për Gazmir Brakën, i njohur si ‘Gaxhai’ dhe Aleksander Llanajn. Arrestimet e zyrtarëve dhe ish-zyrtarëve u kryen mbërmjen e djeshme.

Punonjësit dhe ish-punonjësit e arrestuar:

• Veli Bici, punonjës policie në burgun e Peqinit
• Robert Dedaj ish-punonjës policie
• Olgert Muçka punonjës policie në burgun e Drenovës
• Artan Dulillari, punonjës policie në burgun e Drenovës
• Metkë Nurçelli punonjës policie në burgun e Drenovës
• Hysni Ndreu, shef Paraburgimi në Paraburgimin e Elbasanit
• Elvi Gjoci, kontrollor në paraburgimin e Elbasanit
• Ilia Beshello, ish-punonjës në burgun e Drenovës
• Gazmir Meta, punonjës në paraburgimin e Elbasanit
• Gentian Gjata pronari i një biznesi brenda burgut Elbasan

Burime nga grupi hetimit bëjnë me dije për Euronews Albania se të burgosurit e akuzuar vinin baste sportive nga qelia. Ata ja linin porosi bastet, punonjësve të burgjeve.

Hetimi 6 mujor ka zbuluar se në një rast është shkelur siguria edhe në regjimin e posaçëm 41 bis. Ndërkohë në burgun e Peqinit ka rezultuar se një punonjëse seksi është futur duke u shtirur si familjare e një të dënuari.