Dështon konsensusi, Vjosa Osmani: Zgjedhjet nuk do të shtyhen

Presidentja e Kosovës, Vjosa Osmani deklaron se nuk do të ketë ndryshim të datës së mbajtjes së zgjedhjeve lokale në vend.

Znj. Osmani tha gjatë një deklarate para mediave se nuk ka marrëveshje të partive në qeveri dhe atyre opozitare për shtyrje të datës së zgjedhjeve.

“Mënyra e vetme për të shtyrë zgjedhjet është arritja e një pajtimi në pushtet dhe opozitë”, u shpreh presidentja e Kosovës.

Sipas Osmanit pavarësisht se autoritetet shëndetësore kërkuan shtyrjen e zgjedhjeve për shkak të situatës së epidemiologjisë, ishin partitë opozitare që kundërshtuan.

“Unë e respektoj qëndrimin e partive politike por nuk pajtohem me ta. Shtyrja më e madhe e zgjedhje do të ishte më së shumti deri në dy muaj”, shtoi ajo.

Zgjedhjet lokale në Kosovë janë parashikuar të mbahen më 17 tetor.