‘Plan jorealist qeverisës’, Jorida Tabaku: Nuk bëra pyetje për të penguar propagandën

Nënkryetarja e Partisë Demokratike Jorida Tabaku tha për Euronews Albania se nuk drejtoi asnjë pyetje në mënyrë që të mos krijoheshin hapësira për propagandë.

“Rregullorja nuk lejon që të ketë debat kështu që u gjykua që nga ana jonë të mos ishim pjesë e kësaj por të kërkonim menjëherë fillimin e debatit parlamentar ku të ishte pjesë dhe opozita,” – u shpreh Tabaku.

Sipas saj plani qeverisës Rama 3 është një dokument propagande. Ajo tregoi se nuk shpresonte për një plan qeverisës kur nuk pati as plan elektoral.

Jorida Tabaku tha se plani i prezantuar sot në seancën e parë plenare në Kuvendin e Shqipërisë ishte shumë larg realitetit.

LEXONI GJITHASHTU:

• Rritja e pagave vjen kur rritet ekonomia jo dhuratë nga partia, thotë eksperti i ekonomisë
• ‘Premtimet për uljen e borxhit, taksave dhe rritjen e rrogave s’janë realiste’, thotë ish-zv. ministri në qeverinë Rama 2