Votimi për zgjedhjet në Rusi përfundon të dielën, nuk do të ketë vëzhgues të OSBE-së

Qytetarët rusë kanë nisur të votojnë për të zgjedhur një parlament të ri. Votimi përfundon ditën e diel, më 19 shtator. Partia në pushtet ‘Rusia e Bashkuar’ pritet të fitojë sërish.

Zgjedhjet janë një provë e kontrollit të pushtetit të presidentit Vladimir Putin në 11 zonat, nga Oqeani Paqësor deri në Detin Baltik, ndërsa Kremlini përballet me kritika të brendshme për shkak të uljes së standardeve të jetesës dhe raporteve të tensionuara me Perëndimin.

Në Moskë dhe disa rajone do të përdoret për herë të parë votimi elektronik, një risi që kritikët kanë frikë se është jotransparente dhe e hapur për abuzim. Organizata për Sigurinë dhe Bashkëpunimin në Evropë nuk do të dërgojë vëzhgues për herë të parë në Rusi, që nga zgjedhjet në 1993.

Që në orët e para të mëngjesit disa qytetarë u mblodhën pranë ndërtesës së Komisionit Qendror të Zgjedhjeve për të protestuar kundër përjashtimit të opozitës nga zgjedhjet.

LEXONI GJITHASHTU:

‘Mosnjohja e zgjedhjeve’, Rusia i përgjigjet PE-së: Ndërhyrje të papranueshme