SHBA pranon se sulmi me dron në Kabul ka vrarë gabimisht civilë

Shtetet e Bashkuara pranuan të premten se një sulm me dron që bënë në Kabul disa ditë para tërheqjes së trupave ushtarake, vrau disa civilë të pafajshëm në Afganistan.

“Sulmi ishte një gabim tragjik,” tha gjenerali i marinës Frank McKenzie, kreu i Komandës Qendrore të SHBA, në një konferencë shtypi të Pentagonit.

Pas një rishikimi, Pentagoni zbuloi se gjatë këtij sulmi që ndodhi me 29 gusht, janë vrarë vetëm civilë dhe ansjë pjesëtar i grupit ekstremist të shtetit islamik, siç besohej në fillim.

Sulmi vdekjeprurës ishte një nga aktet e fundit të ushtrisë amerikane në Afganistan, para përfundimit të operacionit ushtarak 20-vjeçar në vend.