Marrëdhëniet Turqi-Greqi, takimi Erdogan-Mitsotakis në Nju-Jork

Presidenti turk Recep Tayyip Erdogan deklaroi të dielën se do të takohet me kryeministrin grek Kyriakos Mitsotakis, në kuadër të Asamblesë së Përgjithshme të OKB-së që mbahet javën e ardhshme në Nju Jork.

Dy vendet, aleate në NATO por edhe rivale, kanë qenë në konflikt për shkak të sovranitetit në ujërat e detit Mesdhe dhe emigracionin.

Duke folur në një konferencë shtypi përpara nisjes për në Nju Jork, Erdogan tha se Turqia, që ka strehuar 4 milionë refugjatë, shumica e të cilëve sirianë, po vuan barrën më të rëndë të emigracionit dhe shtoi se vendi i tij do të marrë të gjitha masat nëse homologët e tij nuk do të veprojnë.

“Ne do të shohim vërtetësinë e sinqeritetit të tyre. Turqia nuk është shërbëtori i askujt. Ne duhet të shohim hapat që duhen marrë nga pala tjetër. Nëse ata nuk veprojnë, ne do të marrim vendimet tona,” – u shpreh presidenti turk.

Mitsotakis deklaroi të premten se Turqia ishte një partner i rëndësishëm për frenimin e një vale të re emigrantësh, ndaj dhe ka nevojë për mbështetje.

LEXONI GJITHASHTU: 

• ‘Do mësojmë nga gabimet’, Mitsotakis për zjarret: Kriza e klimës kërkon ndryshim të politikave
• Presidenti Erdogan: Turqia e gatshme të mbrojë aeroportin e Kabulit
• Erdogan takon Gjukanoviç, marrëveshje tregtare prej 250 milionë dollarë