Kukësi fiton me përmbysje, merr kryesimin e Superligës

Kukësi ka marrë kryesimin e Superligës në javën e dytë të kampionatit pas fitores 3-1 ndaj Kastriotit.

Kjo është fitorja e dytë radhazi dhe pavarësisht se skuadra krutane kaloi në avantazh e para në minutën e ‘26, Kukësi ka arritur të reagojë.

Ishte Ndreca që barazoi rezultatin pak minuta para përfundimit të pjesës së parë me një gol të shënuar nga distance.

Që në minutën e parë të pjesës së dytë, ishte Besa që shënoi golin e avantazhit ndërsa po ai realizoi dhe golin përfundimtar.

Në ndeshjen tjetër që mbylli javën e dytë të Superligës, Tirana nuk mori më shumë se një barazim 1-1 ndaj Egnatias.

Kukësi kryeson me 6 pikë të plotë ndjekur nga Vllaznia, Teuta, Tirana dhe Dinamo që kanë secila nga 4 pikë.