Yuri Kim flet për personat “non grata” nga Uashingtoni: Jemi seriozë në luftën kundër korrupsionit

Ambasadorja Amerikane në Tiranë, Yuri Kim e cila gjendet në Uashington ka dhënë një mesazh për politikën në Tiranë.

Znj. Kim thotë se po koordinon hapat e ardhshme për marrëdhëniet SHBA-Shqipëri.

Ambasadorja shprehet se SHBA e ka seriozisht luftën kundër korrupsionit duke iu referuar listës së DASH për personat “non grata” për korrupsion.

“Shumë e qartë, ne jemi seriozë për korrupsionin, përfshirë ligjin 7031(c). Do të mbështesim Shqipërinë, e cila është më demokratike, më e fortë dhe më e sukseshme”, shkruan znj. Kim.

Great in Washington to coordinate next steps on 🇺🇸🇦🇱 relations. V. clear we’re serious abt corruption – incl 7031(c) designations – while supporting an 🇦🇱 that is more democratic, stronger & prosperous. 🇺🇸 has been w/🇦🇱 for last 30 yrs; we’ll be with you for the next 30 & beyond!

— Ambassador Yuri Kim (@USAmbAlbania) September 21, 2021

“SHBA ka qenë me Shqipërinë për të paktën 30 vjet dhe do të jetë me ju edhe për 30 vitet e ardhshme dhe më shumë”, përfundon ambasadorja amerikane.

Ambasadorja e SHBA në Tiranë ka shoqëruar Kryeministrin Edi Rama dhe ministren e Jashtme, Olta Xhaçka gjatë vizitës së tyre në Nju-Jork ku morën pjesë në punimet e OKB-së.