Osmani takon sekretarin e NATO-s: Kosova ka zbatuar marrëveshjet e Brukselit për lirinë e lëvizjes

Presidentja e Kosovës, Vjosa Osmani dhe ministrja e Jashtme, Donika Gërvalla, të cilat ndodhen në SHBA në Asamblenë e OKB, janë takuar me sekretarin e Përgjithshëm të NATO-s, Jens Stoltenberg.

Zhvillimet në Kosovë dhe dialogu me Serbinë kanë qenë në qendër të bisedës.

Presidentja Osmani është shprehur se “Republika e Kosovës i ka zbatuar marrëveshjet e Brukselit për lirinë e lëvizjes dhe i dënoi kërcënimet dhe veprimet e Serbisë dhe të strukturave ilegale të saj në Kosovë’.

Javën e fundit janë  shtuar tensionet mes Kosovës dhe Serbisë, pas vendimit të Albin Kurtit për reciprocitetin me targat.

Në mbledhjen e Këshillit të Sigurisë të zhvilluar dje në Beograd, presidenti Vuçiç tha se u diskutua situata pas “aksionit kriminal të Prishtinës”, ndërsa siguroi se do të ruajnë paqen dhe stabilitetin për serbët në Kosovë.

Presidenti serb shtoi se ka refuzuar propozimin për të bërë një zgjidhje kompromisi.

Ndërkohë pak orë më vonë i dërguari i BE-së për dialogun Kosovë-Serbi përmes një postimi në Twitter deklaroi se ishte i shqetësuar nga situata e tensionuar dhe bëri thirrje që dy vendet të ruanin qetësinë.

Ndërsa vetë Kurti e ka quajtur këtë vendim të imponuar nga Serbia.

LEXONI GJITHASHTU:

• Reciprociteti për targat, qytetarët e Luginës së Preshevës mbështesin vendimin e Kurtit
• Reciprociteti i targave Kosovë-Serbi, reagon kryeministri Rama
• Çfarë është ‘reciprociteti për targat’ aplikuar sot nga Kosova?