Boks, Oleksandr Usyk sfidon të shtunën kampionin Anthony Joshua

Oleksandr Usyk do të kërkojë titullin kampion bote për peshat e rënda ndaj Anthony Joshua në një duel të shumëpritur që do të zhvillohet në stadiumin e Tottenham në prezencën e afro 70 mijë tifozëve. Ukrainasi në konferencën për shtyp ka deklaruar se është i gatshëm të bëjë historinë në përballjen e së shtunës.

“Çdo ndeshje është histori më vete dhe unë mendoj se edhe takimi me Joshua do të shënojë një hap tjetër në histori, diçka për të cilën njerëzit do të flasin, kujtojnë dhe shikojnë në TV. Do të bëjmë historinë,” – ka thënë Usyk.

Usyk kaloi klasën e peshave të rënda pasi u bë profesionist tetë vjet më parë, duke u bërë një nga kampionët e rrallë të unifikuar të boksit në 2018 duke fituar të katër rripat në kategori të ndryshme.

Joshua do të vendosë rripat e tij IBF, WBA dhe WBO kundër, Usyk i cili mban statusin si i pamposhtur, me një rezultat 18-0 në karrierën e tij profesionale.

“Unë jam praktikuar shumë, jam mësuar të godas thasë boksi, por këtë herë gjërat do të ndyrshojnë,” – u shpreh Joshua.

Edhe pse ishte menduar se Joshua do të përballej sërish me Tyson Fury në Arabinë Saudite sfida u anulua. Gjatë mbrëmjes së kësaj ndeshje do të boksojë dhe Florian Marku, i cili do të kërkojë titullin e peshës velter në IBF ndaj Maksim Prodan.