10 të vdekur dhe mbi 660 të infektuar nga COVID-19 në Shqipëri

Dhjetë pacientë me COVID-19 humbën jetën 24 orët e fundit në Shqipëri, teksa 664 persona rezultuan të infektuar në teste.

Ministria e Shëndetësisë tha se viktimat ishin të moshave nga 36 deri në 83 vjeç, ku më i riu ishte nga Vlora.

Autoritetet thanë se 664 persona rezultuan pozitivë pas 4,875 testesh me pozitivitetin që tashmë ka shkuar nga 17% në 13.6%.

Aktualisht në spitale ndodhen 214 të shtruar për COVID-19.

Komiteti Teknik i Ekspertëve e cilësoi gjatë kësaj jave situatën e pandemisë nën kontroll. Për këtë ata vendosën të mos i ndryshonin masat kufizuese.

Gjatë 25 ditëve të muajit shtator janë pikasur mbi 21,400 raste me COVID-19 – nga 3,500 që ishin të njëjtën periudhë të një viti më parë. Numri i rasteve aktive mbetet i lartë me rreth 12 mijë – nga 5,400 që ishte shtatorin e vitit 2020.

Vlen të theksohet se ndryshe nga viti i shkuar kryhen më shumë teste dhe varianti Delta i COVID-19 rezulton më tepër ngjitës.

Sidoqoftë shqetësuese është fakti se këtë periudhë po vdesin më shumë pacientë. Krahasuar me vitin e shkuar 25 ditët e shtatorit kanë regjistruar 131 vdekje – nga 89 një vit më parë.

Euronews Albania sjell më poshtë të gjitha të dhënat krahasuar me vitin e shkuar: