Ahmetaj: Rritet me 17.89% ekonomia në vend, mbështetje 50 mln euro për turizmin

Zv.kryeministri, Arben Ahemtaj deklaroi se në 3 mujorin e dytë 2020-2021 Produkti i Brendshëm Bruto u rrit me 17.89%.

Ai theksoi se krahasuar më tremujorin e dytë të një viti më parë degët kryesore të ekonomisë tregojnë rritje të konsiderueshme, ku përmendi sektorin e ndërtimit me 41.6%.

Ai shtoi se edhe eksportet janë rritur me 130%, ndërsa importet me 53.6%.

“Këto janë trende të rëndësishme të shërimit ekonomik”, tha më tej zv/kryeministri, teksa shtoi se ka një rritje edhe tek konsumi familjar.

Sipas tij, në periudhën janar 2020-janar 2021 janë rifituar të gjitha vendet e punës që humbëm për shkak të pandemisë, ku dha shifrën prej 692.468 të punësuar.

“Rritja ekonomike po kthehet në trajektore pozitive drejt objektivit për një rritje mesatare vjetore mbi 4.5%, si kemi theksuar në program e qeverisë”, u shpreh ai.

Ahmetaj premtoi mbështetje për sektorët si turizmi, ai i transportit dhe manifaktura.

“50 mln euro mbështetje për sipërmarrjen në sektorin e turizmit, 5 mln euro për sipërmarrjet në fushën e transportit, mbështetje për sipërmarrjet IT”, tha ai.

LEXONI GJITHASHTU:

• Sa realiste janë objektivat ekonomike të qeverisë “Rama 3”? Analistët skeptikë
• Vetëm 23% e shqiptarëve të kënaqur me ekonominë e familjes, socialistët më optimistët