Cili vend fitoi çmimin e verës më të mirë në botë për të tretin vit radhazi?

Një verë argjentinase është zgjedhur si më e mira në botë për të tretin vit radhazi.

Lista e Vreshtave më të Mira në Botë zgjodhi verën pasi mori vlerësimin e pothuajse 600 ekspertëve ndërkombëtarë.

Veraria Zuçardi Valle de Uco, në provincën e Mendoza doli në krye të listës së vitit 2021. Lista vlerëson kantinat e verës në botë dhe cilësinë e produkteve të tyre, për të zgjedhur 100 destinacionet kryesore të verës në botë.

“Ne jemi shumë të lumtur. Është një njohje e rëndësishme për ne dhe gjithashtu për rajonin, sepse është një juri e madhe ndërkombëtare që rrotullohet nga viti në vit,” – tha Miguel Zuçardi, një nga menaxherët e vreshtit.

Lista, e përpiluar çdo vit vlerëson vendet më të mira për të shijuar dhe mësuar rreth kultivimit të verës dhe rrushit, si dhe arkitekturën e kantinave, restoranteve dhe hoteleve të tyre.

10 kantinat e verës që kryesojnë renditjen globale të publikuar këtë javë janë:

• Zuçardi Valle de Uco (Argjentinë)
• Marqués de Riscal (Spanjë)
• Chateau Margaux (Francë)
• Bodega Garzón (Uruguaj)
• Montes (Kili)
• Antinori nel Chianti Classico (Itali)
• Catena Zapata (Argjentinë)
• Viña VIK (Kili)
• Gonzalez Byass-Bodegas Tío Pepe (Spanjë)
• Creation (Afrika e Jugut).

LEXONI GJITHASHTU: 

• 6 ishuj të qetë dhe pa COVID në Greqi që ia vlejnë t’i vizitoni këtë verë
• Alpinisti i parë i verbër kinez ngjitet në malin Everest
• Braziliania në Vlorë, 21-vjeçarja zgjedh Shqipërinë për të punuar gjatë verës