Turizmi në Vlorë, më pak vizitorë në muze, deti më i preferuari

Vlora pati 30 përqind më pak vizitorë se vitin e shkuar në muzeun e pavarësisë, historisë dhe sitet e arkeologjisë.

Korrespondentja e Euronews Albania, Ebrieta Maçaj raportoi se për Vlorën sezoni i turizmit veror pati përqendrim kryesisht bregdetin.

Drejtori i Muzeut të Pavaresise në Vlorë, Istref Dobi, shprehet se numri i vizitoreve ka rënë, edhe më shumë se viti i pandemisë. Ai thotë se muajt kryesor ku ka flukse të turizmit në qendrat e historisë dhe kulturës janë muajt shtator-tetor apo prill-maj ku zakonisht zhvillohen ekskursione shkollore.

Dobi është i idesë që turizmi duhet të ketë një zhvillim më të gjerë duke shkuar përtej zonave bregdetare.

Për specialistin e trashëgimisë kuturore Sejmen Gjokoli, fakti qe jemi ne ditet e trashegimisë kulturore të bën të reflektosh që si kjo pasuri duhet të bëhet pjesë e gjithë atyre që zgjedhin Vlorën si destinacion turistik.

Ndërsa jemi ne ditët kombëtare të trashëgimisë kulturore, drejtoir i DRTK VLorë Orges Feimi i pranishëm në përfundimin e restaurimit te Teqesë dhe Tyrbes në Kaninë thotë se restaurimet që kryhen synojnë pikërisht afrimin e turistëve.

Feimi përmendi panairet si një mënyrë promovimi për turizmin teksa vlerësoi interesimin e operatorëve turistikë për të nxitur guida.

Vlora është një nga qytetet ku burim kryesor i të ardhurave mbetet turizmi. Sfidë e përbashkët e institucioneve, aktoreve dhe faktorëve mbetet shtrirja e sezonit turistik përgjatë gjithë vitit.