Nga pronat tek makinat luksoze, SPAK sekuestron pasuritë e “Ben Qimes”

Prokuroria e Posaçme kundër Korrupsionit dhe Krimit të Organizuar, SPAK ka sekuestruar pasuritë e shtetasit Arben Enver Isufaj, i njohur si ‘Ben Qimja’. Ky i fundit ka qenë i akuzuar për trafik ndërkombëtar droge, ndërsa tashmë është i lirë.

SPAK njofton se ka sekuestruar disa kompani tregtare në pronësi të tij, disa prona të patundshme dhe 6 automjete luksoze.

Rreth 1 vit më parë Operacioni Forca e Ligjit, OFL i kërkoi Ben Qimes si subjekt i ligjit special të justifikonte pasuritë.

Pak vite më parë u rrëzua edhe kërkesa e Italisë për ekstradimin e Ben Qimes drejt vendit fqinj për trafik kokaine, ndërsa sipas policisë ai duhet të justifikonte burimin e pasurisë si person nën hetim në Itali për “Pjesëmarrje në organizatë kriminale, me qëllim trafikimin e lëndëve narkotike”.

“Të gjitha subjektet e Ligjit Special, pra të gjithë të dënuarit apo të akuzuarit gjatë 30 viteve të fundit, për krimet e parashikuara në këtë ligj, do të kalojnë sitën e provës së ligjshmërisë së pasurisë së tyre”, thuhej në kërkesën e OFL.

LEXONI GJITHASHTU:

• OLF i kërkon xhaxhait të “Ben Qimes” të deklarojë burimin e pasurisë
• OFL letër “Ben Qimes” dhe Saimir Taullaut: Justifikoni pasurinë