Zgjedhje të parakohshme në Irak, votimet u mbajtën të dielën

Irakianët votuan të dielën në zgjedhjet parlamentare të mbajtura disa muaj para afatit për një kryengritje popullore të udhëhequr nga të rinjtë kundër korrupsionit dhe keqmenaxhimit.

Shumë aktivistë nga ata që u mblodhën në rrugët e Bagdatit dhe provincave jugore të Irakut në fund të vitit 2019, bojkotuan votimin.

Dhjetëra mijëra njerëz morën pjesë në protestat masive të atij viti që u pritën nga forcat e sigurisë që qëlluan drejtpërdrejt municion dhe gaz lotsjellës. Më shumë se 600 njerëz u vranë dhe mijëra u plagosën brenda vetëm disa muajsh.

Edhe pse autoritetet u dorëzuan dhe thirrën zgjedhjet e parakohshme, numri i të vdekurve i shtyu më shumë aktivistët që morën pjesë në protesta të mblidhen për një bojkot të votimeve.

Votimet u mbyllën në orën 18:00 me orën lokale pas 11 orësh votimi.

Rezultatet priten brenda 24 orëve të ardhshme, sipas organit të pavarur që mbikëqyr zgjedhjet në Irak. Por negociatat për të zgjedhur një kryeministër të ngarkuar me formimin e një qeverie pritet të zvarriten për javë apo edhe muaj.

Që nga rënia e Sadam Huseinit këto ishin zgjedhjet e gjashta që u mbajtën.

Minuta pasi u mbyllën votimet, fishekzjarret e organizuara nga bashkia e Bagdadit ndriçuan në sheshin historik të qytetit Tahrir, ku demonstruesit kishin ngritur çadra për disa muaj që prej tetorit të 2019-tës. Protestat përfunduan deri në shkurt të 2020-tës për shkak të pandemisë.

Sot, sheshi qëndron kryesisht bosh. Vendi përballet me sfida të mëdha ekonomike dhe të sigurisë, dhe megjithëse shumica e irakianëve dëshirojnë ndryshim, pak presin që kjo të ndodhë si rezultat i zgjedhjeve.

LEXONI GJITHASHTU: 

• Iraku zgjedh parlamentin, vendi në zgjedhje të parakohshme për shkak të protestave popullore
• Biden njofton përmbylljen e misionit ushtarak në Irak brenda vitit
• SHBA pritet t’i rikthejë Irakut 17 mijë artefakte të plaçkitura gjatë pushtimit