Më pak pacientë në terapi intensive në Francë, teksa vdekjet në SHBA i tejkalojnë ato të Italisë

Franca konfirmoi se numri i pacientëve në terapi intensive është më i ulët.

Së shpejti, presidenti Emmanuel Macron pritet të mbajë një fjalim ku do të njoftojë për shtyrjen e afatit të karantinës.

Franca renditet e katërta ndër vendet më të prekura, pas Shteteve të Bashkuara, Italisë dhe Spanjës me mbi 130 mijë raste dhe 13,832 viktima deri më sot.

Të Dielën e Pashkëve, mijëra kisha në Europë, në Shtetet e Bashkuar dhe në botë, kryen shërbimet e tyre fetare në mënyrë virtuale dhe me dyer të mbyllura për shkak të virusit.

Lajmi vjen pak pasi numri i vdekjeve nga coronavirus në SHBA i tejkaloi ato të Italisë, me mbi 20 mijë fatalitete dhe më shumë se 500 mijë raste të konfirmuara.

Italia ka aktualisht mbi 150 mijë raste dhe 19 mijë viktima dhe qeveria ka shtyrë afatin e karantinës deri në 3 maj.