Ndryshime të reja në polici, pritet lëvizja e shefave të komisariateve

Kreu i policisë së shtetit, Gledis Nano ka lajmëruar ndryshime të tjera në rang zëvendësdrejtorësh.

Kështu, Artur Shira nga zv.drejtor për hetimin e krimit në Durrës shkon me të njëjtin post në Fier.

Ilir Proda, nga zv.drejtor për hetimin e krimit në Korçë shkon në të njëjtën pozitë në Elbasan.

Vendin e Prodës në Korçë e zë Ermal Muça. Sakaq, ndryshime në rang zëvendësdrejtorësh priten në Dibër, Kukës, Lezhë etj.

Po brenda kësaj jave kreu i policisë, Gledis Nano pritet të bëjë edhe ndryshimet në radhët e shefave të komisariateve në Tiranë dhe qarqe të tjera në vend.

Lëvizjet e fundit vijnë pas ndryshimeve të krerëve të policisë dhe drejtorëve në 11 qarqe.

LEXONI GJITHASHTU:

• Emrat e drejtuesve të rinj të policisë në qarqe