Gjykata e Lartë rrëzon rekursin e ish-anëtarit të KPA për pezullim të dënimit

Gjykata e Lartë ka rrëzuar rekursin e Luan Dacit për pezullimin e vendimit të dënimit të tij nga Gjykata e Apelit të Posaçëm. Pas vendimit, Daci bëri rekurs në Gjykatën e Lartë, anëtarët e së cilës këtë të marte rrëzuan kërkesën e tij për pezullim të vendimit.

Gjykata e Posaçme e Apelit kundër Korrupsionit dhe Krimit të Organizuar vendosi lënien në fuqi të fajësisë për ish-anëtarin e Kolegjit të Posaçëm të Apelimit, Luan Daci.

Daci akuzohet se ka falsifikuar dokumentet gjatë aplikimit për pozicionin në KPA, përmes paraqitjes së rrethanave të rreme nëpërmjet mosdeklarimit të një mase disiplinore për largim nga puna të vitit 1997.

Daci u dënua nga Apeli i Posaçëm me 6 muaj burg dhe pezullimin e këtij dënimi me 1 vit, me kusht që të mos kryejë vepër tjetër penale dhe të paraqitet pranë Shërbimit të Provës.