Samiti i OKB për klimën, mbretëresha Elisabeth konfirmon mungesën pas shtrimit në spital

Mbretëresha Elizabeth nuk do të marrë pjesë në samitin COP26 të javës së ardhshme në Glasgou, Skoci.

Ajo ishte e ftuar në konferencën e OKB-së për klimën, por pas qëndrimit të fundit në spital, është njoftuar se ajo nuk do të marrë pjesë më.

Në një deklaratë, pallati thotë se 95-vjeçarja ka “vendosur me keqardhje se nuk do të udhëtojë më në Glasgou për të marrë pjesë në pritjen e 1 nëntorit”.

“Madhëria e saj është e zhgënjyer që nuk mori pjesë në pritje, por do t’u japë një fjalim delegatëve të përmbledhur përmes një video-mesazhi të regjistruar,” – thuhej në deklaratën e pallatit mbretëror.

Kthim në punë, por jo udhëtim për në Skoci

Mbretëresha mbajti një konferencë virtuale në Kështjellën Windsor të martën, e para që nga momenti kur mjekët e urdhëruan të pushonte javën e kaluar.

Ajo kaloi një natë në spitalin King Edward VII në Marylebone, Londër të mërkurën e kaluar. Mbretëresha Elisabeth u kthye në shtëpinë e saj në Kështjellën Windsor të nesërmen në drekë.

Djali i saj, Princi Charles dhe nipi, Princi William, do të marrin pjesë në COP26 së bashku me liderë të tjerë botërorë dhe aktivistë të mëdhenj të klimës si Greta Thunberg.

Në varësi të shëndetit të tij, Papa Françesku do të jetë gjithashtu në COP26.

LEXONI GJITHASHTU: 

• Mbretëresha Elizabeth refuzon çmimin ‘e moshuara e vitit’
• Mbrojtja e kafshëve në Mbretërinë e Bashkuar, mbretëresha Elisabeth lajmëron masat e reja
• Akuzat për racizëm, mbretëresha Elizabet thyen heshtjen: Kjo çështje do të trajtohet seriozisht e privatisht