Përqafime dhe lot në aeroport, pas 18 muajsh izolim Australia lehtëson udhëtimet ndërkombëtare

Pas 18 muajsh izolim, për herë të parë Australia lehtëson masat kufizuese për udhëtimet ndërkombëtare.

Qytetarët e vaksinuar fituan lirinë të udhëtojnë dhe të ribashkohen me familjarët e tyre. Shumë persona madje u përlotën në aeroportin e Sidneit.

Për gati dy vite, Australia mbylli udhëtimet ndërkombëtare, duke ndaluar turistët e huaj, por edhe shtetasit e saj që vinin nga jashtë vendit.

Numri global i vdekjeve nga COVID-19 ka tejkaluar pesë milionë këtë të hënë. Vetëm SHBA ka regjistruar mbi 740.000 jetë të humbura, më shumë se çdo komb tjetër.

Globalisht, COVID-19 është tani shkaku i tretë kryesor i vdekjeve, pas sëmundjeve të zemrës dhe goditjes në tru.