Rikthehet Champions, spikatin përballjet Atalanta-Manchester United dhe Bayern-Benfica

Bayern i Mynihut do të kërkojë fitoren e 4-të radhazi në fazën e Grupeve të Ligës së Kampioneve, teksa sot do të përballen në Mynih ndaj portugezëve të Benfikës.

Aktualisht bavarezët renditen në vend të parë me nëntë pikë pas tri ndeshjesh.

Lewandowski, i cili theu rekordin e Gerd Mylerit sezonin e kaluar duke shënuar 41 gola, deri më tani ka arritur të shënojë 17 gola në 14 ndeshje, përfshi 5 në Ligën e Kampioneve.

Në anën tjetër Benfica ndodhet në vend të dytë në grup me 4 pikë, pas një fitoreje, një barazimi dhe një humbje në tri ndeshjet e para.

Në takimin tjetër të grupit E, Barcelona do të luajë në Ukrainë ndaj Dinamos së Kievit.

Për Grupin F, bie në sy përballja mes Atalantës dhe Manchester United, me bergamaskët do kërkojnë të hakmerren për humbjen në Old Trafford.

Grupi G kryesohet nga Salsburgu, të cilët sot luajnë në Gjermani ndaj Volsburg.

Në Grupin H, Juventusi do të kërkojë të lërë pas dy humbjet radhazi në kampionat, teksa do presë Zenitin në Torino.

LEXONI GJITHASHTU:

• Hetim transfertave në Serie A, klubet dyshohen për abuzim me çmimet e lojtarëve