Spitali i kukullave, aty ku mund të rifitosh objektet dhe kujtimet e fëmijërisë

Në qendër të Napolit ka një vend të veçantë ku rikthehen emocionet dhe kujtimet e fëmijërisë.

Në spitalin e kukullave, kukullave dhe arushave u jepet një jetë e re dhe pronarët e tyre mund të rifitojnë  fëmijërinë e humbur. Ndoshta nuk rikthehen në kohë, por rikthejnë kujtimet.

“Kur njerëzit na kontaktojnë, së pari ata ndiejnë dëshirën për të na treguar historinë e tyre dhe pse ajo kukull në të vërtetë ka vlerë në jetën e tyre. Pas çdo kukulle, ka gjithmonë një histori të jashtëzakonshme,” – u shpreh Tiziana Grassi, nga spitali i kukullave.

Njerëzit nga Italia dhe Europa shkruajnë letra dhe e-mail e më pas i dërgojnë kukullat e tyre të çmuara në këtë spital, ku u jepet diagnoza dhe kurimi i duhur.

“Nëpërmjet riparimit të kukullave, ne jemi në gjendje të rikuperojmë emocionet aktuale të njerëzve, ato momente kur ata ishin fëmijë  dhe ndihen sërish si fëmijë kur përqafojnë objektin e tyre të preferuar,” – u shpreh Grassi.  

Për kukullat, të hysh në këtë vend do të thotë të shërohesh, por për pronarët e tyre është një moment për të rijetuar magjinë e fëmijërisë.

LEXONI GJITHASHTU: 

• Teknikat e bizneseve për t’ju bërë të shpenzoni më tepër para
• Djathi më i mirë i 2021, “Olavidia” rrëmben çmimin “World Cheese Awards”