Kompania italiane përdor energji diellore për të pjekur kokrrat e kafesë

Shumica e ekspertëve pajtohen se çelësi i kafesë së mirë qëndron te mënyra si janë pjekur kokrrat.

Kompania italiane e teknologjisë PuroSole ka zhvilluar një instalim inovativ që është në gjendje të pjekë kokrrat e kafesë me energji të rinovueshme.

Tre bashkëthemeluesit e projektit kaluan pothuajse gjashtë vjet duke zhvilluar një mënyrë efikase për të përdorur energjinë diellore.

Daniele Tommei është një nga bashkëthemeluesit e PuroSole.

“Është kafeja, jo koshi rrotullues apo ajri në të që po ngrohim. Është vetë kafeja që nxehet, rrezet e diellit godasin kokrrat, duke i ngrohur ato dhe duke shkaktuar ngrohjen e ajrit që e rrethon, por në thelb pjesa më e ngrohtë e gjithë kësaj është vetë kokrra,” – u shpreh Tommei.

PuroSole synon të ulë në mënyrë drastike koston e impianteve të mëdha termodinamike dhe solli një reflektor të vogël të motorizuar që ata thonë se është plotësisht i mjaftueshëm.

“Ne nuk përdorim lëndë djegëse fosile, si gazi apo energjia elektrike. Është e gjitha thjesht dhe drejtpërdrejt energjia diellore që përqendrohet në kokrrën e kafesë, konsumi i energjisë është zero,” – tha inxhinieri elektronik dhe bashkëthemeluesi i PuroSole, Antonio Durbe.

Krijuesit thonë se kursejnë rreth 400 kilogramë CO2 në çdo ton kafe të pjekur dhe thonë se kjo është një çështje e rëndësishme në kohët aktuale.

Kompania tani prodhon kafen e saj dhe e shet atë në internet.

LEXONI GJITHASHTU: 

• Cilat vende prodhuan më tepër kafe këtë vit?
• Kafeja e laboratorit prodhohet në Finlandë, pritet të kalojë testin e shijes
• Shtrenjtohet çmimi i mishit, qumështit e kafesë, inflacioni arrin 2,4% në gusht