Përdorimi efektiv i energjisë, Balluku: Do të përfitojnë 270 mijë qytetarë

Është nënshkruar sot marrëveshja mes Qeverisë Shqiptare dhe Qeverisë Zvicerane për dhënien e asistencës teknike dhe financiare në kuadrin e “Projektit të Bashkive me Energji Inteligjente”.

Gjatë fjalës së saj, ministrja Belinda Balluku tha se projekti për një përdorim efecient të energjisë, do të nisë të zbatohet fillimisht në 4 prej bashkive të vendit për t’u shtrirë më pas edhe në qytetet e tjera.

 “Nga marrëveshja do të ndihmojmë katër bashki, katër bashki model të cilët janë zgjedhur për të pilotuar këtë program, konkretisht janë zgjedhur Shkodra, Korça, Përmeti dhe Berati. Do të përfitojnë nga asistenca teknike dhe financiare për përmirësimin e menaxhimit të energjisë”, tha znj. Balluku.

Ministër i Infrastrukturës dhe Energjisë tha se qytetarët do të përfitojnë në mënyrë të drejtpërdrejtë dhe në mënyrë të tërthortë nga ky projekt.