38 milionë euro për energji, OSHEE blen me çmim të pesëfishuar

38 milionë euro ka shpenzuar OSHEE gjysmën e parë të nëntorit, për blerjen e energjisë elektrike. Çmimi me të cilin po blihet energjia jashtë vendit, është 5-fishuar.

Nga 50 euro, që kushtonte 1 mgw, deri para një viti, sot çmimi mesatar ditor arrin në 200 euro. Por në ankandet e kryera nga OSHEE, çmimi mesatar më të cilin është siguruar energjia është 260 euro/mwh.

Shuma 38 mln euro i shtohet shpenzimeve të kryera më herët, ku vetëm për muajin tetor arritën në 65 mln euro, faturë rekord kjo për vendin brenda 30 ditëve.

Deri në 15 prill, Shqipëria është në emergjencë energjetike, dhe për të përballuar krizën, qeveria ka garantuar 200 mln euro për sektorin.

Ndërkohë, OSHEE ka marrë dy kredi këtë vjeshtë me vlerë 120 mln euro, në marrëveshje me BERZH dhe Agjencinë Franceze për Zhvillim.