Reshje të dendura shiu në Kanada, gjendje emergjence në British Columbia

Provinca kanadeze e brigjeve të Paqësorit, British Columbia shpalli gjendjen e jashtëzakonshme pas përmbytjeve dhe rrëshqitjeve masive te dheut të shkaktuara nga reshjet e dendura të shiut.

Kjo situatë pritet të shkaktojë edhe më shumë viktima pasi rezultojnë persona të zhdukur.

Çdo rrugë kryesore midis Kontinentit të Poshtëm, ku është qyteti i tretë më i madh i Kanadasë, Vankuveri, dhe brendësia e provincës është bllokuar nga balta dhe përmbytjet.

 “Mijëra njerëz janë detyruar të largohen nga shtëpitë e tyre nën urdhrat e evakuimit dhe shumë të tjerë kanë mbetur të bllokuar për shkak të mbylljes së rrugëve dhe rrëshqitjeve së dherave.  Policia Kanadeze konfirmon se rrëshqitjet e dheut kanë shkaktuar të paktën një viktimë. Ky është një lajm i dhimbshëm  jo vetëm për një familje  por për të gjithë banorët. Por fatkeqësisht, ne presim të konfirmojmë edhe më shumë viktima në ditët në vijim,” – deklaroi John Horgan, kryeministër i British Columbia.

Hogan theskoi  se gjendja e jashtëzakonshme do të përfshijë kufizime të udhëtimit, kështu që transporti i mallrave thelbësore, shërbimet mjekësore dhe emergjente do të arrijnë tek komunitetet që kanë nevojë për to.

Zyrtarët në rajon ia atribuojnë fatkeqësinë natyrore efekteve të ndryshimeve klimatike.

LEXONI GJITHASHTU:

• Moti ekstrem ka vrarë 2 milionë njerëz në 50 vitet e fundit, thotë OKB
• Greqia përfshihet nga moti i keq, përmbytje rrugësh dhe banesash
• Trudeau fiton zgjedhjet në Kanada, por i duhet koalicion për të qeverisur