Ekologu Bino: Nisma e qeverisë për ndalimin e qeseve, për të mbuluar mos menaxhimin e mbetjeve

Nisma e qeverisë për zhdukjen e plotë të qeseve plastike nga qarkullimi është për të mbuluar faktin që ka një mos menaxhim të mbetjeve.

Ishte ky qëndrimi i ekologut Taulant Bino, i cili u shpreh për “Mirëmëngjes” se ka nisma, por këto nisma nuk zbatohen komfort me praktikat e Bashkimit Europian në mënyrë që të jenë funksionale.

Sipas tij reduktimi më i mirë i qeseve plastike do të bëhej duke rritur çmimet e tyre, njësoj siç ndodh në vendet e unionit.

“Problemi më i madh i mbetjeve është keqmenaxhimi i mbetjeve dhe ne shikojmë që situata ska ndryshuar që prej vitit 2013 kur qeveria erdhi me një program që do pastrojmë Shqipërinë nga plehrat,” – tha ai.

Bino theksoi se bashkitë merren më tepër me pastrim se me menaxhim të integruar që do të thotë gjithë nismat për reduktim të mbetjeve nuk zbatohen.

“Nismat për riciklim të mbetjeve nuk është se janë fuqizuar. Normalisht që duhet të kishte më shumë riciklim, por kalojmë direkt nga pastrimi te asgjësimi që është faza e fundit e menaxhimit të mbetjeve,” – deklaroi ekologu.

LEXONI GJITHASHTU:

• Rama: Nga qershori do të ndalohet me ligj përdorimi i qeseve plastike
• “Thuaj jo qeseve plastike”, nisma nga personat me aftësi të kufizuara në Kosovë për mbrojtjen e ambientit
• Coca-Cola në Shqipëri, udhëheqëse e nismave në të mirë të mjedisit