Juventus në hetim, dyshime për falsifikim të bilancit në transferimet e lojtarëve

Juventusi ka sërish punë me drejtësinë. 42 transferta në merkaton e lojtarëve të barasvlershme me 50 milion euro janë tashmë nën hetim nga prokuroria italiane.

Hetimi ka nisur nga prokuroria e Torinos me dyshimin për falsifikim të bilancit. Në transfertat e dyshuara është pjesë edhe shkëmbimi i lojtarëve Pjaniç me Artur, i kryer me Barcelonën në vitin 2020.

Hetime të tilla në të kaluarën kanë hasur vështirësi për të identifikuar kriteret se si vlerësohet një futbollist financiarisht. Në vitin 2018, për të njëjtat arsye klubi italian i Kievos u dënua me heqjen e 3 pikëve nga klasifikimi edhe pse prokuroria kërkoi heqjen e 15 pikëve.

Nëse shkeljet vërtetohen, Juventus rrezikon një gjobë ose penalizim të lehtë.