Lamtumirë Rikard Ljarja! Aktori dhe regjisori u përcoll sot për në banesën e fundit në Shkodër

Pandemia COVID-19 nuk i lejoi shkodranët t’i jepnin lamtumirën që meritonte aktorit dhe regjisorit të njohur Rikard Ljarja. E pikëlluar nga humbja e bashkëshortit, por e prekur nga të gjitha ata që e thyen karantinën për të përcjellë aktorin e madh të skenës shqiptare, Marjeta Larja nuk harroi t’i falënderonte të gjithë.

“Një përcjellje kaq e thjeshtë, por shumë shpirtërore. Ju falënderojmë me shpirt që thyet këtë vështirësi dhe jeni këtu me ne sot. Është shumë më e bukur, shumë më  njerëzore kaq thjesht. Shumë faleminderit!”, tha bashkëshortja e aktorit.

Aktorja Rita Xheka rrëfen kujtimet me Rikardin si dhe kujton momentin kur ai refuzoi titullin “Mjeshtër i Madh”.

77-vjeçari ndërroi jetë në banesën e tij në kryeqytet, ndërsa vuante prej kohësh nga një sëmundje e rëndë.  Ai mbetet ne kujtersen e te gjithë si Deda i rrugëve të bardha, por edhe për rolet e spikatura në filmat  Duel i Heshtur, Komisari i Dritës, Rrethi i Kujtesës, Radiostacioni etj.

Lexoni gjithashtu: 

Shuhet në moshën 77-vjeçare aktori i njohur i kinemasë Rikard Ljarja