Plaku i Vitit të Ri viziton fëmijët në komunitetet përgjatë lumit të Amazonës

Plaku i Vitit të Ri vizitoi vendet përreth lumit Solimões të shtunën, duke u ndalur te komunitetet e përgjatë lumit të xhunglës në pellgun e Amazonës, për të sjellë dhurata për fëmijët dhe gëzim festash për gjithë të tjerët.

Që nga viti 1998, me atë të projektit “Miqtë e Santa Claus” shpërndahen dhurata për fëmijët në të gjithë shtetin e Amazonës.

Plaku i Vitit të Ri së bashku me vullnetarët, këtë vit udhëtuan me varkë për të shpërndarë lodra për 500 fëmijë të komunitetit përgjatë bregut të lumit Solimões.

“Jam vërtet i lumtur që u sjell lumturi këtyre fëmijëve, këtij rajoni. Shumë nuk kishin parë kurrë një Plak të Vitit të Ri, nuk kishin marrë kurrë një lodër,” tha mësuesi vendas Edelson da Costa.

Në 23 vjet, falë këtij projekti janë vizituar më shumë se 500 komunitete, duke sjellë gëzim për më shumë se 150 mijë fëmijë në atë vend.