Autoritetet shëndetësore britanike të shqetësuar se qytetarët po shmangin kontrollet shëndetësore

Autoritetet shëndetësore në Mbretërinë e Bashkuar kanë paraqitur shqetësimin e tyre se qytetarët mund të jenë duke shmangur kontrollet shëndetësore të sëmundjeve serioze, pasi janë të frikësuar nga një infektim i mundshëm nëse paraqiten në spital.

Në 25 prill, shtretër e pavijone të tëra ishin të boshatisura, ndërsa Instituti i Shëndetit Publik në Angli tha se vizitat në departamentet e emergjencës kanë rënë rreth 50 për qind që nga viti shkuar.

Organizata vullnetare për Kërkimin e Kancerit në Mbretërinë e Bashkuar parashikon se rreth 2,250 raste kanceri të reja mund të kalojnë pa u vërejtur nga java në javë, pjesërisht pasi qytetarët ngurrojnë të shkojnë në spital prej frikës së mund të infektohen apo se mund të mbingarkojnë sistemin shëndetësor.

“Nuk besoj se thjesht nuk po ndodhin më atakë kardiakë,” shprehet Dr Anna Vondy, mjeke konsulentë në pavijonin e emergjencave.

Autoritetet shëndetësore po nxisin qytetarët që të kërkojnë ndihmë në raste kur është e nevojshme dhe që të ndjekin me përpikmëri konsultat mjekësore.

Lexoni gjithashtu: 

Mbretëria e Bashkuar nis testimet për vaksinën kundër coronavirus, Gjermania merr dritën e gjelbër

Raporti i “Financial Times”: Numri i vdekjeve nga COVID-19 në Britaninë e Madhe i ka kaluar 40 mijë