Coronavirus mund të jetë i lidhur me gjendjen e rrallë inflamatore tek fëmijët, mjekët paralajmërojnë rrezikun

Mjekët në Britani, Itali dhe Spanjë janë paralajmëruar të kujdesen për një gjendje të rrallë inflamatore  e cila ka prekur fëmijët, që ndoshta është e lidhur me coronavirusin.

Rastet e raportuara dëshmuan për simptoma të sindromës së shokut toksik ose sëmundjes Kawasaki, një çrregullim i rrallë i enëve të gjakut. Vetëm disa nga fëmijët janë testuar pozitivisht me COVID-19, kështu që shkencëtarët nuk janë të sigurt nëse këto simptoma të rralla janë shkaktuar nga coronavirusi ose nga diçka tjetër.

“Së pari, është e rëndësishme të themi se COVID-19 prek shumë pak fëmijët. Ne e dimë se ne të gjitha vendet e botës ata priren të mos e marrin këtë virus ose nëse infektohen, ata kanë shumë pak simptoma. Por shumë rrallë fëmijët sëmuren rëndë”, thotë Russell Viner, President i Kolegjit Mbretëror të Pediatrisë dhe Shëndetit të Fëmijëve:

Zyrtarët shëndetësorë në Mbretërinë e Bashkuar vlerësojnë se ka pasur rreth 10-20 raste të tilla. Në Spanjë një numër i fëmijëve në moshë shkollore kanë vuajtur nga “një dhimbje barku e pazakontë, e shoqëruar nga simptoma gastrointestinale”. Edhe në Itali ka pasur një rritje të pazakontë të numrit të pacientëve me sëmundje Kawasaki – dhe disa fëmijë kanë qenë të infektuar me COVID-19. Disa raste janë raportuar edhe në Francë dhe Belgjikë.