Ministri Lavrov: Lufta e Bidenit në Ukrainë u bë lufta e Trumpit

Ministri i Jashtëm rus Sergei Lavrov iu referua deklaratave të Sekretarit të Shtetit të SHBA-së Marco Rubio në mbështetje të Ukrainës, duke thënë se ato tregojnë se ajo që Rusia e quajti “lufta e Bidenit” tani është shndërruar në “luftën e Trumpit”.

Lavrov theksoi se armiqësitë në Ukrainë do të kishin mbaruar nëse SHBA-të do të ndiqnin vërtet një marrëveshje paqeje.

Rubio i tha dje një komisioni të Dhomës së Përfaqësuesve se shumë shpejt do të ketë lajme rreth 400 milionë dollarëve që Kongresi ka miratuar për ndihmë për Ukrainën, një fond që ishte vonuar në ndarjen e tij nga Departamenti i Mbrojtjes i SHBA-së.

Pas kthimit në Shtëpinë e Bardhë, presidenti amerikan rivendosi dialogun me homologun e tij rus Vladimir Putin dhe ka premtuar vazhdimisht se do t’i japë fund luftës në Ukrainë, diçka që deri më tani nuk e ka bërë.

Trump kishte deklaruar menjëherë pas marrjes së detyrës se lufta midis Rusisë dhe Ukrainës është lufta e paraardhësit të tij Joe Biden, jo e tija.