Java e acarit në Shqipëri, gjithë vendi nën zero

Java që vjen pritet të sjellë temperatura edhe më të ulëta në vendin tonë.

Sipas parashikimit të sinoptikanëve, e hëna parashikohet të jetë dita më e ftohtë, por deri të mërkurën vlerat termike do vijojnë të jenë të ngjashme.

Në këto kushte, qeveria vendosi të mbyllë shkollat për 3 ditë, ndërsa kërkon nga qytetarët të mos shpenzojnë energji elektrike në rast se nuk do ta kenë të domosdoshme.

Moti i ftohtë dhe ngricat që kanë përfshirë vendin tonë prej disa ditësh kanë krijuar vështirësi për qarkullimin dhe ngrohjen.

Korça, Dibra, Kukësi, Malësia e Madhe, madje edhe Fieri janë zbardhur nga dëbora. Në disa fshatra të këtyre zonave ka munguar edhe energjia elektrike. Autoritetet këshillojnë që makinat të lëvizin me zinxhirë e goma dimërorë.