NATO trupa shtesë në Lindje, Stoltenberg: Gati t’i përgjigjemi pranisë ruse

NATO mund të dërgojë njësi të tjera luftarake në lindje të Evropës, për t’iu përgjigjur pranisë në rritje të trupave ruse në kufi me Ukrainën.

Deklaratën e bëri të hënën sekretari i përgjithshëm, Jens Stoltenberg.

“Po shqyrtojmë mundësinë e përforcimit të mëtejshëm të pranisë sonë në pjesën lindore të Aleancës, që mund të përfshijë dërgimin e grupeve luftarake shtesë”, deklaroi Stoltenberg për gazetarët në Bruksel.

Deri tani NATO ka vendosur 4 mijë trupa në Estoni, Lituani, Letoni dhe Poloni, të mbështetura nga tanke mbrojtje ajrore dhe njësi mbikëqyrëse.