850 fëmijë në rrezik për jetën nga luftimet në kurdëve dhe militantëve të ISIS

26 Janar 2022 | 16:01

Qindra fëmijë janë në rrezik për jetën në burgun sirian të marrë nën kontroll nga militantët e Shtetit Islamik, teksa Luftimet në Haseke, në verilindje të Sirisë, mes organizatës separatiste kurde dhe anëtarëve të organizatës terroriste kanë hyrë në ditën e shtatë.

Sipas burimeve lokale, përleshjet mes kurdëve të mbështetur nga Shtetet e Bashkuara dhe ISIS-it që filluan më 20 janar po vazhdojnë në lagjen Guveyran, ku ndodhet Burgu Industrial.

Sipas Organizatës së Kombeve të Bashkuara, 850 fëmijë ndodhen në zonën ku po zhvillohen luftimet.

“Jemi tejet të shqetësuar. Kemi rreth 800 fëmijë që gjenden mes dy zjarreve teksa luftimet në Burgun Guerian vazhdojnë. Këta fëmijë po përjetojnë makabritete që asnjë fëmijë nuk duhet të shohë. Ata duhet të evakuohen sa më shpejt nga ai burg dhe ne kemi bërë thirrje për hapjen e një korridori që ne si UNICEF dhe organizatat e tjera humanitare të bëjnë të mundur largimin e fëmijëve nga aty”, tha Juliette Touma, drejtoreshë për komunikimin në UNICEF.

Qindra luftëtarë të Shtetit Islamik u arratisën të enjten pasi një makinë me eksploziv shpërtheu në portat e burgut, teksa të burgosurit morën nën kontroll godinën.

Sipas forcave kurde, bilanci i viktimave deri më tani ka shkuar në 200 të burgosur të vrarë dhe 27 luftëtarë kurdë, teksa mbi 500 të burgosur janë dorëzuar. Luftimet vazhdojnë me shumë militantë të ISIS që vazhdojnë të kontrollojnë disa godina.

Sipas UNICEF, nuk dihet ende nëse në mes të viktimave ka fëmijë.

Organizatat mbi të drejtat e njeriut kanë kritikuar prej kohesh forcat e armatosura kurde, të cilët kontrollojnë pjesë territori në verilindje të Sirisë për mënyrën se si mbajnë fëmijë të familjeve të militanteve të ISIS në burgje të mbipopulluar dhe në kushte çnjerëzore.

 

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026