Papa Françesku thirrje prindërve të mos i dënojnë fëmijët homoseksualë

Papa Françesku u bëri thirrje prindërve që të mos i dënojnë fëmijët e tyre nëse janë homoseksualë, gjatë një fjalimi për komunitetin LGBT, i margjinalizuar për një kohë të gjatë nga kisha katolike.

Deklaratat e Papës u bënë ngjatë një dëgjese publike kushtuar Shën Jozefit, babait të Jezusit.,

“Prindërit që shohin se fëmijët e tyre kanë një orientim të ndryshëm seksual nuk duhet të fshihen pas një qëndrimi dënues”, tha Ati i Shenjtë.

Mësimi zyrtar i kishës kërkon që homoseksualët të respektohen, por e konsideron aktivitetin homoseksual “thellësisht të çrregulluar”.

Papa Françesku ka kërkuar ta bëjë kishën më të hapur, me komentin e tij të njohur në 2013: Kush jam unë që të gjykoj?

Ati i shenjtë ka bërë gjithashtu përpjekje për të kontaktuat komunitetin katolik homoseksual dhe mbrojtësit e tyre, duke përfshirë një letër të fundit ku përgëzon një murgeshë amerikane të sanksionuar dikur nga Vatikani, motra Jeannine Gramick, për 50 vitet e saj të shërbimit në komunitetin LGBTQ+.